AYA PANTO DI DAYEUH
Cilimus 2006
Satapak ka satapak
Ngaji peuting nu lamokot
Beulah kénca can jauh lumampah
Beulah katuhu poék mongkleng, ngadelan
Tapi geuning tanaga geus suda
Jalan nu kasorang pinuh ku reuma jeung harangasu
Peuting ieu bulan nyumput eraan
Béntang-béntang ngoléséd ngajauhan
Éstu keur butuh batur catur
Ngukur umur nu angsrod-angsrodan
Bray...
Sorana ngarekét niruk angin peuting
Hiji, hiji léngkah ngadeukeutan
Atra nu pahibut mulungan béntang
Dibuntel lawon bodas tuluy didurukan
Awak ngarénjag
Aya nu tiis dina embun-embunan
Jeblug, haseup ngelun tina susuhunan kahirupan
