SUPATA
Cilimus,
2006
Rerab....
Teu weleh
awor sora-sora
Ti mimiti
hijrah mangsa
Dawuan
beungkak lébléban
Ti mimiti
sungapan miis sisi lamping
Nepi ka
geledug ombak tohaga nusantara
Nu miis jadi
mancer nu macer ngagelenggeng
Di ditu di
dieu caah hangit durukan
Seuneu
ngabebela ngaléntab unggal pucuk haté
Hamo peuray
andon ruhay
Ruhak jeung
tangkorak geus saling percaya
Samiuk
sagebrug nyuay nu ngarames kabagjan
Tapi poé ieu
pajejel kakuciwa
Lain gogog
lain tagog
Gogog borok
tagog botrok
Huntu ngan
jadi papaés hulu
Bangsat!
Dunya heurin
ku nu narepak dada
Yeuh aing
lain ahli naraka, éta téh hijrah
Kahadé
telekan masing gemet
Bangsat geus
beunang ku supatana
Geura
teuleuman asin cai laut
Basa ngan
keur supata
Supata keur
kabagjan balaréa
Dawuan
seuneuna teu kaampeuh
